نكت جامده جدا

مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ


واحد ركب مترو الانفاق.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: امين عبد الجواد


مرة واحد مسئول بيفتتح حمام سباحة فالمدير قال له ده المنط يا فندم 30متر.... قوم نط يا مرزوق فنط مرزوق . وده يا فندم منط 50 متر قوم ياعوض نط فنط عوض .وده يا فندم منط 80 متر قوم يا نجيب نط فنط نجيب فقال المسئول هايل ..هايل .... قام المدير قال ولسه يا فندم لما نملى الحمام مايه


مره واحد اشترى لمبه مسمار دقها في الحيط


مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل.

(الزمالك أحد الأندية العريقة في مصر اكيد سمعتوا عنها)


مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناكحات السحاب وطلع عمارة 500 دور ... ورمى نفسة من الدور ال 500 ونزل فى 5 ايام ..... قال له ومات ؟؟؟؟ قال له انت عايزه ينزل فى5 ايام من غير اكل و لا
شرب وما يمتش

واحد بلدياتىواقف قدامه خمس شياطين ليه ....؟؟؟ واحد يوسوسله و اربعه يفهموه

واحده بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها رادد عليها : لازم عضت لسانها بالغلط ؟؟

واحده بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها البخيل رادد عليها : طب منروحلها بعد ما تموت ان شاء الله عشان منستهلكش البنزين مرتين.

واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

ولو حد مش عارف المهلبية يسألني عنها

واحدة بتقول لجوزها وهما نايمين بالليل قوم يابو حسين احسن في حرامية في البيت قالها لأ قومي انت لايكونوا ستات

واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عاريف ليه حاسيس انك نحس

مره واحد شحات ماشى على واحد عجلاتى بقول له اعطنى مما اعطاك الله قاله خد لك لفه

واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها

مرة اتنين بخلاء خلفوا عيل حطوة فى البنك

ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق

واحد صينى وقع اتكسر

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين


شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟


مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!


واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه


مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!


مرة واحد بليتنا دخل غرفة النوم بتاعته لقا مراته على السرير معاها ثلاثة فلسا بيطلع المسدس عشان يطخهم قالولوا حملك علينا ده الكاميرا الخافية
تحب نذيع ولا منذيعش قالهم ذيعوا ذيعوا خلوا الناس تنبسط.



اهبل سال امريكية اسمك ايه؟ ردت: فكتوريا براون ..... وانت؟ قال لها: لكزس كحلي


واحد غبى ...دخل صالون حلاقة و لما الزباين مشيت الحلاق قال له: دورك تعالى احلق لك .... فقاله انا مش جاى احلق .. قاله: امال اية.......... قال انا جاى اسال عن البيه اللى ساكن فوق .. فالست قالت لي اقعد فى الصالون لغايه ما البيه يجى


جماعة اغبية عملوا أتوبيس يمشى بالعرض .... عشان يركبون كلهم قدام


واحد دخل جنينة الحيوانات ودخّل راسه في قفص الاسد، الحارس جري عليه وقاله انت بتعمل ايه يا مجنون ؟؟؟؟ قاله : ايه يابا .. يعني هناكله


مره واحد غبي بيقول لصاحبه ايه رأيك انت تاخد شهر اجازه من الشغل وانا اخد شهر اجازه ونسافر شهريين فرنسا


سواق تاكسى ركبت معاة واحدة حلوة قال لها تعرفى تسوقى قالت لة لا .. قال لها انا تسوقى


واحد اشترى شربط لهانى شاكر لقى فية .......غلطة ، راح رجعه
واحدة حامل ولدت بنت الساعة خامسة الفجر .. جه جوزها وجاب البندقية و ... طخ البنت ........ وقال لأمها ماعندناش بنات تيجي في انصاص الليالى ....!!!


حرامي خبطتة عربيه ... قالوا له م أخدتش النمرة ليه ؟؟؟؟؟ قال لهم اصلها كانت ممسوكة بمسامير
واحد غبى شاف قشرة موزه على الأرض فقال يييه هاتزحلق تانى


واحد غبى اشترى جزمة رياضة اديداس .. لقاها 3 شرط ..... راح حاططها فى الشاحن


مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول راح قطع ذيله فرجع فالتاني قاله انا برده عملت كدة فراح الأول قطع رجله...ايده.... لغاية ما قطع رقبته فجه الأول قاله انت هتصدعنى في دماغي ليه ما حصانك لونه اسود وانا بتاعي لونه ابيض بس كدة نعرفعهم من اللون.


اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول

يريت النكت الحلوه الى فيهم بس والبيخه بلاش وطبعا لانك نقلهم نسخ ولصق مقراتهاش يريت تبقا تشيل منهم البيخه

شكرا يا استاذ احمد انشاء الله هانحاول نعدل من نفسنا