الرئيسيةبحـثس .و .جالتسجيلدخول

شاطر | 
 

 أنا أحسن من الناس اللي موجودة دي كلها هنا....انا تقديري جيد

اذهب الى الأسفل 
كاتب الموضوعرسالة
حسام المسلمي H



ذكر
عدد الرسائل : 14
العمر : 31
اسمك الحقيقي : حسام
الهواية : الانتاج الحيواني
المزاج : الكمبيوتر
المزاج :
my sms :


My SMS
منتديات اسرة نـــــــــــــور ترحب بكم


وتتمنى لكم قضاء افضل الاوقات مع تحيات/

TAHA MOHAMED


تاريخ التسجيل : 06/03/2008

مُساهمةموضوع: أنا أحسن من الناس اللي موجودة دي كلها هنا....انا تقديري جيد   الثلاثاء مارس 11, 2008 5:47 pm


بسم الله الرحمن الرحيم

لا تتعجبوا...فعنوان الموضوع هذا هو ما سمعته...

البداية:

روحت مكتب البريد علشان أشتري شوية طوابع و دمغات لزوم الروتين الحكومي الممل

المهم..دخلت مكتب البريد بصراحة مكتب نظيف و حلو و أهم حاجة المراوح شغالة فيه مش مركونة ولا حاجة..وقفت طابور صغير كده يعني حوالي نفرين ادامي..المهم الاتنين اللي كانو ادامي خلاص أخدو حاجاتهم بس بصوت عالي كده و نرفزة .....و انا لسه داخل علي الراجل بقوله..

سلام عليكم..


بصلي بقرف وماردش السلام!

اتضايقت وكنت ناوي اتنرفز عليه..بس تذكرت في أقل من الثانية عدة أحاديث لرسول الله صلي الله عليه و سلم

الأول

إلتمس لأخيك 70 عذرا وفي روايه 90...

الثاني
فيما معناه ...أن الملائكة ترد علي بدلا منه

والايه القرانية
"والكاظمين الغيظ"


لهذه الاسباب سكت وقلت له

انا عايز طوابع.. قاطعني وقالي.. ايه ؟؟؟؟؟!!!!و أنا مالي !!!!!!!


اتضايقت أكتر و مسكت نفسي أكتر و أكتر وقلت له...هو مش سعادتك شغال هنا برضه...قالي لا بقرف

مسكت نفسي أكتر و أكتر و أكتر و أكتر

قلت له طب روح هات لي اللي شغال هنا...قلي روح للمدير انا ماليش دعوة وصوته عالي جدااااااااا...انا أحسن منكم كلكم انا جايب جيد جدا وخريج كليه تجارة و مديري معاه دبلوم تجارة !!!!! وفي الاخر انا أقعد ابيع طوابع و هو يبقي قاعد في مكتب والله لأمشي دلوقتي بلا مدير بلا زفت...وشتم المدير بتاعه شتيمة جامدة قوي

الموظفين قعدو يهدو في الراجل ولاقيت واحد جاي يقولي انت عملت له ايه وبيزعقلي!!!

انا بقي ما عرفتش أمسك نفسي
صراحة زعقت للموظف التاني ده

قلت له هو انا ناقصك ما تشوف اللي انتو مقعدينه ده هنا بقوله هات طوابع يقولي وانا مالي روح شوف المدير ... قلي يعني انت ما شتمتوش (بصوت واطي) _علشان انا زعقت_ ..قلت له لا و إسأله...يادوب طلع المدير وبصراحة انا شايف ان المدير طيب يعني مش متعجرف ولا حاجة...وصوته واطي خالص وبيهدي فيه و يقوله عايز اجازة طيب قاله لا و شتمه...الراجل ده مش محترم فعلا
...قله طب انا غلطان ..انت محول للتحقيق...وقاله طز فيك و في التحقيق ودخل لبس البالطوبتاعه و خرج...والله المدير جه بيقولي معلش حقك علي أنا انت عايز ايه وانا اديهولك...

قلت له

انا عايز طوابع...
قاطعني الموظف تاني ودخل شتم برضه في الموظفين كلهم
انا بقي قلت ده يوم مش فايت وكنت همشي و قلت هبقي أجيب الطوابع دي من أي مصيبة ولا حتي مش عايزها...وكنت همشي لقيت المدير بينادي تاني قالي معلش ...
انت كنت عاوز ايه...هههههههه

المهم جبت الطوابع واليوم عدي...بس انا شايف ان الراجل معاه حق و مش معاه حق برضه...يعني واحد خريج جامعة وبتقدير جيد جدا في الاخر يقف يبيع طوابع -علي الرغم من قله أدبه-...بس المدير خبرة.. مش عارف ايه النظام ده...انتو ايه رأيكم..


منقول
الرجوع الى أعلى الصفحة اذهب الى الأسفل
 
أنا أحسن من الناس اللي موجودة دي كلها هنا....انا تقديري جيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
NOUR :: منتديات عامة :: المنتدي العام-
انتقل الى: